The Irrawaddy's Blog |
| ဟောင်ကောင်ရှိ ဘရုစ်လီနေအိမ်ဟောင်းရဲ့ မသေချာတော့တဲ့ အနာဂတ် Posted: 09 Sep 2015 10:18 PM PDT
တိတ်ဆိတ်ငြိမ်သက်လှတဲ့ ဟောင်ကောင်နိုင်ငံပိုင် Kowloon ကျွန်းဆွယ်ရှိ နဂါးကိုးကောင်ကန်နားမှာ နေထိုင်ခဲ့သူကတော့ ကွန်ဖူးဘုရင် ဘရုစ်လီပဲဖြစ်ပါတယ်။ သူဟာ အသက် (၃၂)နှစ်အရွယ်၊ (၁၉၇၃)ခုနှစ်မှာ ရုတ်တရက်သေဆုံးခဲ့ပါတယ်။ နိုင်ငံတကာစံချိန်စံနှုန်းနဲ့ ကြည့်ရင်တော့ ဘရုစ်လီ ပိုင်ဆိုင်ခဲ့တဲ့နေရာဟာ အထင်ကြီးစရာမကောင်းလှပေမယ့် လူနေအင်မတန်ထူထပ်ပြီး မြေဈေးတွေ ကြီးမားလှတဲ့ ဟောင်ကောင်လိုနိုင်ငံမျိုးမှာတော့ အတော်အသင့်ကျယ်ဝန်းတဲ့နေရာတစ်ခုဖြစ်တယ်လို့ ဆိုနိုင်ပါတယ်။ ပြီးတော့ အဲဒီနေရာဟာ မြို့ပြမီးရောင်များ၊ လူကုန်ထံများနေထိုင်ရာ မြို့ထဲလိုနေရာများနဲ့ဝေးတဲ့ အရပ်လည်း ဖြစ်ပါတယ်။ ဘရုစ်လီဟာ မြင့်မားတဲ့တိုက်တာအဆောက်အအုံတွေထူထပ်လှတဲ့ ဟောင်ကောင်မြို့ပြမှာ နာမည်ကျော် ပုဂ္ဂိုလ်တစ်ဦးဖြစ်ခဲ့ပေမယ့် အမေရိကန်နိုင်ငံ၊ ဂရေစ်လန်းမှာရှိတဲ့ နာမည်ကျော် အဲလ်ဗစ်ပရက်စလေ လိုတော့ သူ့ရဲ့နေအိမ်ဟာ သမိုင်းဝင်နေရာတစ်ခုမဖြစ်ခဲ့ပါဘူး။ ဘရုစ်လီသေဆုံးသွားပြီးနောက်ပိုင်းမှာ ပြည်ကြီးတရုတ်လူမျိုး အကျိုးဆောင်တစ်ယောက်ဖြစ်တဲ့ ယုပန်လင်း ဆိုသူက ဘရုစ်ရဲ့နေအိမ်ကို (၁၉၇၄)ခုနှစ်မှာဝယ်ယူခဲ့ပြီး အဲဒီနေရာမှာ အင်မတန်မှ အနားယူချင်စဖွယ် ကောင်းတဲ့ ဟိုတယ်တစ်ခုကို ဖွင့်လှစ်ခဲ့ပါတယ်။ အဲဒီဟိုတယ်လေးမှာ မြို့ပြနဲ့ဝေးရာကနေရှောင်ထွက်ပြီး သီးသန့်အချိန်ယူလိုတဲ့ တိတ်တိတ်ပုန်းချစ်သူတွေ၊ အတွဲတွေကို နာရီနဲ့ အခန်းငှားနိုင်တဲ့အပြင် မိသားစုများနဲ့အတူနေထိုင်ပြီး လွတ်လပ်မှုမရှိတဲ့ စုံတွဲတွေအတွက်လည်း အခန်းငှားနေနိုင်ပါတယ်။ ယုပန်လင်းဟာ ပြီးခဲ့တဲ့ မေလမှာ သေဆုံးသွားခဲ့ပြီး ဘရုစ်လီပိုင်ဆိုင်တဲ့ နေရာရဲ့အနာဂတ်ကို မရေမရာနဲ့ ချန်ထားရစ်ခဲ့ပါတယ်။ ယုပန်လင်းရဲ့မြေးတော်စပ်သူ ပန်ဇီဗင်းကတော့ The South China Morning သတင်းဌာနကို "အဘိုးပိုင်ဆိုင်တဲ့ နေရာအတွက် ဥပဒေအရ ဆောင်ရွက်မှုတွေကို အပြီးသတ်ပြုလုပ်နေပါပြီ" ဆိုတာပဲ ပြောဆိုခဲ့ပြီး မည်ကဲ့သို့ အဆုံးသတ်မယ်ဆိုတာကို တိတိကျကျ မပြောဆိုခဲ့ပါဘူး။
ဘရုစ်လီရဲ့ ပရိတ်သတ်တွေနဲ့ မိသားစုဝင်တွေကတော့ ကိုယ်ခံပညာမှာ ကြယ်တပွင့်ဖြစ်ခဲ့သူ ဘရုစ်ရဲ့ အိမ်ဂေဟာလေးကို ပြန်လည်စုစည်းပြီး အမှတ်တရ အထိမ်းအမှတ်အဖြစ်နဲ့ ထိန်းသိမ်း ထားလိုကြပါတယ်။ "ကမ္ဘာတ၀ှမ်းမှာရှိတဲ့ ဘရုစ်လီရဲ့ ပရိတ်သတ်တွေဟာလည်း သူတို့ချစ်တဲ့ အနုပညာကြယ်ပွင့် ယခင် ပိုင်ဆိုင်ခဲ့တဲ့ နေရာကလေးကို အမှတ်တရ အခမ်းအနားတစ်ခုအဖြစ် ပြန်လည်ထိန်းသိမ်းထားလိုကြပါတယ်။ ဒါပေမယ့် ကျွန်တော်တို့ အနေနဲ့ လုပ်ပေးနိုင်တဲ့ အရာတွေက အရမ်းနည်းပါတယ်။ အစိုးရနဲ့မြေပိုင်ရှင်တွေကပဲ ဒီကိစ္စကို ဖြစ်မြောက်အောင်လုပ်ပေးနိုင်မှာပါ။ " လို့ ဘရုစ်လီး ပရိတ်သတ်တွေစုစည်းထားတဲ့ လူမှုစာမျက်နှာကို ဦးဆောင်နေသူ ၀မ်ယူကောင်းက The South China Morning သတင်းဌာနကို ပြောဆိုထားပါတယ်။ အကယ်၍သာ ဟောင်ကောင်မှာ ဒီကိစ္စမျိုးဖြစ်လာရင်တော့ "သားဦး" လို့ ဟောင်ကောင်မှာ လူသိများခဲ့တဲ့ ဘရုစ်လီရဲ့ ပရိတ်သတ်တွေအတွက်ကတော့ မှတ်တိုင်တစ်ခုဖြစ်လာမှာပါ။ လွန်ခဲ့တဲ့နှစ်အနည်းငယ်ခန့်က ယုပန်လင်းဟာ ဒေသခံအစိုးရနဲ့ ဆက်သွယ်ပြီး အဲဒီအိမ်ကို ပြတိုက်တစ်ခု ဖြစ်လာရန် ပံ့ပိုးလှူတန်းပေးဖို့ကိစ္စကို လုပ်ဆောင်ခဲ့ပါသေးတယ်။ ဒါဟာ ဘရုစ်ရဲ့ပရိတ်သတ်တွေကို ချီးမြှင့်တဲ့သဘောနဲ့ ဘရုစ်ရဲ့အိမ်ကို ပြတိုက်အဖြစ်ပြောင်းလဲဖို့ရန်အတွက် ဟောင်ကောင်အမွေအနှစ်ပြတိုက်အဖွဲ့ကို ဒေါ်လာ(၂၃)သန်းနဲ့ ရောင်း ချဖို့စီစဉ်ခဲ့တာပါ။ သို့ပေမယ့် ၂၀၁၁ ခုနှစ်မှာ အဲဒီအစီအစဉ် ပျက်ခဲ့ရပါတယ်။ ၂၀၀၅ ခုနှစ်တုန်းက ဘရုစ်လီရဲ့ (၆၅)နှစ်ပြည့်အထိမ်းအမှတ်အနေနဲ့ စင်ရှာစု ကမ်းနားဖက်မှာ ဘရုစ်ရဲ့ရုပ်ထုကို ထုလုပ်ပြသခဲ့ပါတယ်။ ဒါကလည်း ကမ္ဘာတ၀ှမ်းမှာရှိတဲ့ ဘရုစ်လီရဲ့ ပရိတ်သတ်တွေကြောင့် ဖြစ်ပေါ်လာရခြင်းဖြစ်ပါတယ်။ဘရုစ်လီရဲ့ အဲဒီလိုရုပ်ထုမျိုးကိုပဲ ဗော့စနီးယားနိုင်ငံ မော့စတားမြို့ကလေး မှာလည်း စိုက်ထူခဲ့ပါတယ်။ ဘော့စနီးယားလူငယ်ခေါင်းဆောင်တစ်ဦးက " ကျွန်တော်တို့ဟာ ဆားဗီးယား ဖြစ်ရင်ဖြစ်မယ်၊ ခရိုရေးရှာြး ဖစ်ရင်ဖြစ်မယ်၊ မူဆလင် ဘာသာဝင်ဖြစ်ရင်ဖြစ်မယ်။ ဒါပေမယ့် ကျွန်တော်တို့အားလုံး ဘရုစ်လီကို နှစ်သက် ကြတာတော့ အတူတူပဲ" လို့ ဘီဘီစီသတင်းဌာနကိုပြောကြားခဲ့ပါတယ်။ ဘရုစ်လီရဲ့သမီးဖြစ်သူရှန်နွန်ကလည်း သူမဟာ အိမ်ရာမြေအတွက် ညှိုနှိုင်းဆောင်ရွက်နေတဲ့ ကိစ္စမှာ မပါဝင်ပေမယ့် ကွယ်လွန်သွားပြီဖြစ်တဲ့ ဖခင်ကိုသတိရသောအားဖြင့် သူမငယ်စဉ်က ဘရုစ်နဲ့နေထိုင်ခဲ့တဲ့ အိမ်ကလေးကိုဆက်လက်ထိန်းသိမ်းထားဖို့ တောင်းခံခဲ့ပါတယ်။ "ဒီအိမ်ကလေးကို ပြန်လည်ထိမ်းသိမ်းထားနိုင်ဖို့ ကျွန်မအနေနဲ့ တစ်ခုခုလုပ်ပေးနိုင်ရင် သိပ်ကောင်းမှာပဲ။ မြို့ပြအမွေအနှစ်ပြတိုက်မှာ ပြုလုပ်ခဲ့တဲ့ ပြပွဲမှာရရှိလိုက်တဲ့ အောင်မြင်မှုကိုအမှီပြုပြီး အစိုးရဒါမှမဟုတ် တာဝန်သိပြည်သူတစ်ဦးတစ်ယောက်ကနေများ မိသားစုနဲ့ လာရောက်ဆက်သွယ်ပြီး ဆွေးနွေးလာရင်တော့ ကျွန်မဖက်က အပြည့်အ၀အကူအညီပေးမှာပါ။ "လို့ The South China Morning သတင်းဌာနကို ပြော ကြားခဲ့ပါတယ်။ ခင်အေးမြလွင် ကိုးကားသတင်း။ ။http://time.com/4024582/bruce-lee-hong-kong-home-museum/         | ||||
| MPT ရဲ့ နာရီတိုင်းမှာ ၅ မိနစ်စာအစီအစဉ် စတင် Posted: 09 Sep 2015 12:24 AM PDT  မြန်မာနိုင်ငံရဲ့ ဆက်သွယ်ရေးအော်ပရေတာတခုဖြစ်တဲ့ (MPT) က ဆွေသဟာသုံးစွဲသူတွေအတွက် "နာရီတိုင်းမှာ (၅) မိနစ်စာ"အစီအစဉ်ကို ဩဂုတ်လ ၂၈ ရက်၊ နေ့လယ် ၁ နာရီကနေစက်တင်ဘာလ ၃၀ ရက်အထိ ဘယ်လိုလျှောက်ထားမှုမှမလိုဘဲ ပြုလုပ်ပေးသွားမှာပါ။ မိနစ် ၆၀ ဆက်တိုက်ဖုန်းခေါ်ဆိုရင် ပထမဆုံး ၅ မိနစ်အတွက်ပဲ တစ်မိနစ် ၂၃ ကျပ်နှုန်းနဲ့ ပေးဆောင်ရ မှာဖြစ်ပြီး ကျန်တဲ့ ၅၅ မိနစ်ကိုအခမဲ့ရရှိမှာဖြစ်ပါတယ်။ မိနစ် ၆၀ ထက်ကျော်တဲ့ ဖုန်းခေါ်ဆိုမှုတွေ အ တွက်တော့ မူလ ဈေးနှုန်းဖြစ်တဲ့ တစ်မိနစ် ၂၃ ကျပ်နဲ့ ဆက်လက် ကောက်ခံသွားမှာ ဖြစ်ပါတယ်။ တကြိမ် ဖုန်းခေါ်တိုင်း ပထမဆုံး ၅ မိနစ်ပြီးမှသာ အခမဲ့ဖုန်းခေါ်ချိန်ကိုစတင်သတ်မှတ်မှာ ဖြစ်ပြီးတော့ ၅၅ မိနစ်စာအတွက်ပဲ အခမဲ့ ရရှိမှာဖြစ်ပါတယ်။ "MPT သုံးစွဲသူတွေအတွက် ဒီလိုထူးခြားတဲ့ အစီအစဉ်လေးတွေ လုပ်ပေးရတာသိပ်ကိုဝမ်းသာမိပါတယ်။ သုံးစွဲသူတွေကိုသူတို့ရဲ့ ချစ်ခင်တဲ့သူတွေ၊ မိသားစုဝင်တွေနဲ့ စကားများများပြောဆိုနိုင်အောင် လုပ်ပေးရင်း လိုအပ်ချက်တွေကို ဖြည့်ဆည်းပေးချင်ပါတယ်။ ဒီ အထူးအစီအစဉ်နဲ့ဆိုရင် ကိုယ့်ရဲ့ချစ်ခင်သူတွေ၊ မိသားစု တွေနဲ့ တနာရီကြာအောင် အားရပါးရ ဖုန်းပြောရင်း တကယ့်ကိုပျော်စရာကောင်းတဲ့အချိန်တွေရရှိမှာပါ။ တနာရီစာပြောမှ ၁၁၅ ကျပ်ပဲကျမှာဖြစ်ပါတယ်"လို့ MPT-KSGM (KDDI Summit Global Myanmar Co. Ltd.) Joint Operations၏ CEO ဖြစ်သူMr. Takashi Nagashima ကပြောခဲ့ပါတယ်။ ဒီအစီအစဉ်ဟာ ဆွေသဟာအသုံးပြုသူတိုင်းအတွက် အကျုံးဝင်မှာဖြစ်ပြီး MPT နံပါတ် အချင်းချင်းပဲ ခေါ်ဆိုနိုင်မယ်လို့ သိရပါတယ်။ Pre-paid နဲ့ post-paid နှစ်မျိုးစလုံးနဲ့ အသုံးပြုနိုင်ပါမယ်။ အခမဲ့ ဖုန်းခေါ်ဆိုမှုကို ညနေ (၆) နာရီကနေ ည (၁၀) နာရီအတွင်းမှာတော့ ရရှိမှာမဟုတ်ပါဘူး။ အဲဒီအချိန်အတွင်းဖုန်းခေါ်ဆိုရင် မူလဈေးနှုန်းဖြစ်တဲ့ တမိနစ် ၂၃ ကျပ်နဲ့ ကောက်ခံသွားမယ်လို့ သိရပါတယ်။ အခမဲ့ ခေါ်ဆိုချိန်တွေအတွက် တရက်စာဖုန်းခေါ်ဆိုမှုကို အကြိမ်အရေအတွက် ကန့်သတ်ထားခြင်းမရှိပါဘူး။ လက်ရှိမှာMPTကိုအသုံးပြုသူပေါင်း ၁၄ သန်းကျော်ရှိနေပြီး ထိုသူများထဲက ထက်ဝက်ကျော်ဟာ ဆွေသဟာအစီအစဉ်ကို အသုံးပြုနေကြပါတယ်။ ဆွေသဟာအစီအစဉ်ကို အသုံးမပြုရသေးတဲ့ သူများအနေနဲ့ ဆွေသဟာအစီအစဉ်ကို ရယူလိုပါက ၁၃၃၂ သို့ "SWE" သို့မဟုတ် "POSTSWE" လို့ ပေးပို့ပြီးအခမဲ့ ရ ယူနိုင်ပါတယ်။ ထက်ဦးဝေ     |
| You are subscribed to email updates from The Irrawaddy's Blog. To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
0 comments:
Post a Comment